काठमाडौँ । कैलालीमा प्रहरी हिरासतबाट हतकडीसहित भागेकी ५० वर्षीया एक महिला भारतमा पक्राउ परेकी छन्।
प्रहरी कष्टडीबाट फरार ५० वर्षीया मिना शाही दमाइ भारतमा पक्राउ परेकी जिल्ला प्रहरी कार्यालय कैलालीले जनाएको छ ।
हतकडीसहित भागेकी उनलाई नियन्त्रणमा लिएर अहिले जिल्ला प्रहरी कार्यालयमा ल्याइँदैछ। मानव बेचबिखन कसुरमा म्याद थपका लागि सरकारी वकिल कार्यालय पुर्याएका बेला आइतबार दिउँसो शाही भागेकी थिइन्।
अभियुक्त शाहीलाई इलाका प्रहरी कार्यालय टीकापुरले मानव बेचबिखन मुद्दा चलाएको थियो। वैशाख ४ गते पक्राउ परेकी उनी जिल्ला प्रहरी कार्यालयको हिरासतमा थिइन्।
अनुसन्धान गर्न पहिलोपटक ५ गते १० दिनको म्याद थप गरिएको थियो। दोस्रो पटक म्याद थपका लागि सरकारी वकिल कार्यालय पुर्याइएकी मिना फरार भएकी थिइन्। उनीमाथि आफन्त नाता पर्ने बालिकालाई भारतमा बेचबिखन गरेको अभियोग छ।
शाही हत्कडीसहित अभियुक्त भागेको घटनामा दुई जना प्रहरी कारबाहीमा परेका छन्। अभियुक्तलाई सरकारी वकिल कार्यालयमा उपस्थित गराउने प्रहरी सहायक हवल्दार चक्र प्रसाद अधिकारी र प्रहरी जवान लोकराज जोशी कारबाहीमा परेका हुन्।
इलाका प्रहरी कार्यालय टीकापुरमा कार्यरत उनीहरुलाई निलम्बन गरिएको जिल्ला प्रहरी कार्यालय कैलालीले जनाएको छ ।
सम्बन्धित खबर
मित्रमिलन सहकारीको ऋण नतिर्ने २६ जना विरुद्ध पक्राउ पुर्जी जारी
जेनजी समूहले बहिस्कार गरे संविधान संशोधन कार्यदलले बोलाएको छलफल, सरकारसँग ६ बुँदे शर्त
जेनजी अगुवा मिराजको आक्रोश– ‘आजका खरानी ग्याङलाई पनि कारबाहीको घेरामा ल्याउने संविधान बनाउनुस्’
पूर्वगृहमन्त्री सुधन गुरुङमाथि छानबिन गर्न समिति गठन
न्यूनतम कर्तव्य पूरा नगर्ने प्रधानमन्त्रीले राजीनामा दिनुपर्छ: हर्क साम्पाङ
प्रधानमन्त्री बालेनको राजीनामा माग, संसद्मा आक्रामक बने प्रतिपक्षी दल
यो पनि पढौँ
प्रतिभाका पाँच विद्यार्थीले ल्याए उच्चतम् ४ जीपीए
शान्ति निकेतनका तीन विद्यार्थीको ४ जीपीए
मन्त्रालय घटाउने सरकारको निर्णय, कुन मन्त्रालय कहाँ गाभिए?
मित्रमिलन सहकारीको ऋण नतिर्ने २६ जना विरुद्ध पक्राउ पुर्जी जारी