काठमाडौँ । काठमाडौँबाट ४० लाख ३२ हजार ५ सयहुन्डीको रकमसहित दुई जना पक्राउ परेका छन् ।

पक्राउ पर्नेमा देश भारत, कलकत्ता 6/D North Road यादवपुर घर भइ काठमाडौँ महानगरपालिका २३ ओम बहाल बस्ने वर्ष ६७ को सुरज दत्त र रुपन्देही, देवदह नगरपालिका घर भइ चन्द्रागिरी नगरपालिका १५ तिनथाना बस्ने वर्ष ६३ को धर्म प्रसाद ढकाल रहेका छन् ।

उनीहरुलाई मंगलबार साँझ विशेष सूचनाको आधारमा जिल्ला प्रहरी परिसर, काठमाडौँबाट खटिएको प्रहरी काठमाडौँ २४ स्थित विशाल बजार कम्पनी लिमिटेडको भुइँ तलाबाट पक्राउ गरेको हो।

प्रहरीले उनीहरुको साथबाट नगद रु। ४० लाख ३२ हजार पाँच सय हुन्डीको रकम समेत बरामद गरेको छ ।

यस्तै, १ हजार दरको ४ हजार २० ओटा रु. ४० लाख २० हजार र ५०० दरको २५ ओटा रु. १२ हजार ५०० दसी, सामसुङ कम्पनीको A55 मोबाइल १ थान, A50 मोबाइल १ थान साथै, विभिन्न बचत तथा ऋण सहकारी संस्था लि.को हस्ताक्षर मात्र गरेको खाली चेक २ थान, विभिन्न बचत तथा ऋण सहकारी संस्था लि. को चेक १९ थान र विभिन्न बचत तथा ऋण सहकारी संस्था लि. को पासबुक ११ थान पनि बरामद गरेको प्रहरीले जनाएको छ ।

पक्राउ परेका उनीहरुमाथि थप अनुसन्धान भइरहेको प्रहरीले जनाएको छ ।