पोखरा–३ तेर्सापट्टिस्थित एभरग्रीन एकेडेमी (ईजीए) का बालबालिकाले विश्व वातावरण दिवस विविध कार्यक्रम गरी मनाएका छन् ।

विद्यालयका अनुसार यो दिवस हाम्रो ग्रहको संरक्षणका लागि चेतना जगाउन र कदम चाल्न समर्पित एक विशेष दिन रहेकाले साना साना बालबालिकालाई पनि यसको बारेमा जानकारी हुनुपर्ने हुँदा दिवस मनाइएको हो ।

विद्यालयले भनेको छ – ‘हामी विश्वास गर्छौं कि साना कदमहरूले ठूला परिवर्तनहरू ल्याउँछन्। हामी हाम्रो वातावरणको संरक्षण गर्न र भविष्यका पुस्ताहरूका लागि दिगो भविष्य सुनिश्चित गर्न एकसाथ प्रयास जारी राख्नुपर्छ ।’

हरियाली भविष्यको लागि बीउ रोपौँ भन्दै एकेडेमीले बालबालिकालाई ‘पृथ्वीलाई माया गर्न, सम्मान गर्न र संरक्षण गर्न सिकाउँ — एक सानो कार्यबाट सुरुवात गरौँ’ मूल मन्त्रका साथ विद्यालयमै बोटविरुवामा पानी हाल्न लगाएको, सरसफाईका विधि सिकाएको, प्रांगणका फोहोर संकलन गरेको जनाएको छ ।

सम्बन्धित समाचारः

पोखरामा प्रतिभा एजुकेशनले खोल्यो उन्नत शिक्षा प्रणालीमा आधारित ‘एभरग्रीन एकेडेमी’