पोखरा । ईञ्जिनियरिङ अध्ययन संस्थान अन्तर्गतका त्रि.वि. प्राध्यापक संघ क्याम्पस एकाई समितिहरुले गत असार १० गते त्रि.वि रजिष्ट्रारको कार्यालयले त्रि.वि सभा तथा कार्यकारी परिषद्को निर्णय भन्दै पठाएको पत्रप्रति गम्भिर ध्यानाकर्षण भएको जनाएको छ ।
विकेन्द्रीकरणको नियम अन्तर्गत सञ्चालित ई.अ.स. कार्यान्वयन समितिको अधिकारलाई कुण्ठित गरी नियमित रुपमा शैक्षिक तथा प्रशासनिक कार्यमा लागिरहेका शिक्षक कर्मचारीहरुलाई आन्तरिक श्रोतबाट उपलब्ध गराइएको सुविधा बेरुजु देखाई असुल उपर गर्नुपर्ने भन्दै सन्त्रासको अवस्था उत्पन्न गरेको प्राध्यापकहरुले जनाएका छन् ।
त्रि.वि प्राध्यापक संघ, पूर्वाञ्चल क्याम्पस, पुल्चोक क्याम्पस, पश्चिमाञ्चल क्याम्पस, चितवन ई. क्याम्पस र थापाथली क्याम्पसका तर्फबाट प्राध्यापकहरुले कार्यकारी परिषद्लाई पत्र लेखेर पठनपाठन स्थगन गरिएको उल्लेख गरेका छन् ।
इ.अ.स. डीनको कार्यालयलाई आर्थिक स्वायत्तता र सुदृढिकरणसहित विकेन्द्रीकरणको पचिालन गर्न पाउने अधिकार पुनः प्रत्यायोजन गर्नुपर्ने उनीहरुको माग छ ।
विगत एक हप्तादेखि विभिन्न कार्यक्रम राखी आन्दोलनरत पक्षसँग विश्वविद्यालयका पदाधिकारीले कुनै वार्ता नगरेको उल्लेख गर्दै संघले माग सम्बोधन नभएसम्मका लागि सबै क्याम्पसहरुमा सञ्चालित कक्षा पूर्णतः बहिष्कार गरेको जनाएका छन् ।
सम्बन्धित खबर
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
उच्चतम् ४ जीपीए ल्याउने २८ जना विद्यार्थीले रोजे प्रतिभा मावि
पृथ्वीनारायण क्याम्पस इतिहास विभागमा शोधपत्र प्रस्ताव लेखन कार्यशाला
आर्थिक अभावले पढाइ नरोकिने भन्दै गल्याङ नगरपालिकाद्वारा १६७ विद्यार्थीलाई छात्रवृत्ति
स्याङ्जाको एसइईमा सामुदायिक विद्यालय उत्कृष्ट, ११ जनाले ल्याए ४ जीपीए
यो पनि पढौँ
उच्चतम् ४ जीपीए ल्याउने २८ जना विद्यार्थीले रोजे प्रतिभा मावि
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु