न्यायिक प्रक्रिया सुदृढ बनाउने लक्ष्यका साथ जिल्ला प्रहरी कार्यालय स्याङ्जाबाट खटिएको विशेष अपरेसन टोलीले लामो समयदेखि फरार रहेका एक अभियुक्तलाई पक्राउ गरेको छ ।

लागू औषध सम्बन्धी मुद्दामा कास्की जिल्ला अदालतले २०५९ साल वैशाख २३ गते १० महिना १८ दिन कैद र ५ हजार रुपैयाँ जरिवाना सजाय सुनाएका आँधिखोला गाउँपालिका –४, स्याङ्जा निवासी ४८ वर्षीय रामचन्द्र पौडेललाई २०८२ साउन १८ गते पक्राउ गरिएको हो ।

पौडेल अदालतको फैसलापछि फरार रहँदै आएका थिए । उनलाई पक्राउ गरी आवश्यक कानूनी कारबाहीका लागि स्याङ्जा जिल्ला अदालतमा उपस्थित गराइएको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक प्रसन्न राज चौधरीले जानकारी दिए ।

प्रहरीले अदालतबाट भएको फैसलाको प्रभावकारी कार्यान्वयन, न्यायिक कारबाहीको पूर्णता तथा सुरक्षित र न्यायपूर्ण समाज निर्माणको सुनिश्चितताको लागि अपरेसनलाई तीव्रता दिएको जनाएको छ ।