पोखरा । बागलुङ नगरपालिका–३ हाडेपाखामा बिहीबार साँझ भएको न्यु एभरेष्ट एकेडेमीको भ्यान दुर्घटनामा परी मृत्यु हुने विद्यार्थीको संख्या २ पुगेको छ ।
स्कुल भ्यान दुर्घटना हुँदा गम्भीर घाइते भएका १३ वर्षका सुजल छन्त्यालको पोखरास्थित गण्डकी अस्पतालमा उपचारका क्रममा आज बिहान मृत्यु भएको जिल्ला प्रहरी कार्यालय बागलुङले जनाएको छ ।
यस्तै बागलुङ नगरपालिका–३ बस्ने १५ वर्षका अमन बोहोराको उपचारको क्रममा बिहीबार धौलागिरि अस्पतालमा मृत्यु भएको थियो ।
स्कुल भ्यान दुर्घटनामा घाइते भएका बागलुङ नगरपालिका–३ का १४ वर्षका संगम किसानको गण्डकी अस्पताल पोखरामा उपचार भइरहेको छ । शरीरका विभिन्न भागमा चोट लागेका उनको अवस्था गम्भीर रहेको प्रहरीले जनाएको छ ।
यस्तै, पोखराकै मणिपाल शिक्षण अस्पतालमा ८ जना घाइते विद्यार्थीको उपचार भइरहेको छ । मणिपालमा उपचाररत ८ वर्षीय सोलुमन किसान, ५ वर्षीय आयन बोहोराको अवस्था गम्भीर रहेको छ ।
मणिपाल अस्पतालमै उपचाररत अन्य घाइते विद्यार्थीहरूमध्ये १२ वर्षका आयुष बोहरा र ९ वर्षका सुमित गैरेको अवस्था सामान्य छ । १० वर्षीय अनमिया किसान र ९ वर्षीय उमंग किसानको अवस्था मध्यम रहेको छ ।
यस्तै १३ वर्षकी समीक्षा गैरेको टाउकोमा चोट लागे पनि अवस्था सामान्य रहेको छ । उनीहरूलाई धौलागिरि अस्पतालबाट थप उपचारका लागि पोखरा रिफर गरिएको थियो ।
धौलागिरि प्रादेशिक अस्पताल बागलुङमा विद्यालयकी कर्मचारी २५ वर्षकी सारीका बोहोरा र विद्यार्थी १२ वर्षीय अलिस्ना किसानको उपचार भइरहेको छ । उनीहरूको स्वास्थ्य अवस्था मध्यम छ ।
बागलुङ नगरपालिका–१ रामरेखामा रहेको सो विद्यालयको भ्यान दुर्घटना हुँदा चालक र शिक्षिकासहित २५ जना घाइते भएका छन् । दुर्घटनाको छानबिनका लागि जिल्लास्तरीय समिति गठन गरिसकिएको छ ।
धौलागिरि अस्पतालमा उपचारपछि डिस्चार्ज भएका चालक वीर मगरलाई प्रहरीले नियन्त्रणमा लिएको छ ।
सम्बन्धित खबर
फेवातालमा जाल हान्दा एसएलआर फेला
बागलुङ स्कुल भ्यान दुर्घटना अपडेट: मृतकको संख्या २ पुग्यो, पोखरामा उपचाररत सुजलको मृत्यु
बिटी कपमा लामागाउँ दोस्रो पटक च्याम्पियन, रामघाट फेरि स्तब्ध
महेन्द्रपुलमा रहेको काठमाडौं फ्रेस बेकरीले अखाद्य सामाग्री बेचेपछि २० हजार जरिवाना
अनुशासन र सदाचार प्रणालीको विकास गर्नु आजको आवश्यकताः प्रदेश प्रमुख भट्ट
विश्वकपमा नेपालका खेलहरू पोखरामा बिग स्क्रिनमा लाइभ हेर्न पाइने
यो पनि पढौँ
महेन्द्रपुलमा रहेको काठमाडौं फ्रेस बेकरीले अखाद्य सामाग्री बेचेपछि २० हजार जरिवाना
फेवातालमा राति कार खस्दा स्याङ्जाका युवकले ज्यान गुमाए
पोखरा र भैरहवा अन्तर्राष्ट्रिय विमानस्थल नचल्नुमा चीन कारण होइन: लियाङ
त्रिभुवन अन्तर्राष्ट्रिय विमानस्थल क्षेत्रमा आजदेखि एक महिना निषेधाज्ञा