पोखरा । तेश्रो शितल ज्योति कप सेभेन ए साइड फुटवल प्रतियोगिता यही फागुन २० देखि पोखरामा हुने भएको छ । पोखरा १२ मा रहेको शितल ज्योति युवा क्लवको आयोजनामा यही फागुन २७ गतेसम्म पोखराको अम्मरसिंह खेल मैदानमा उक्त प्रतियोगिता हुने भएको क्लवले जनाएको छ ।

यही फागुन १८ गते ५ बजेसम्म टिम दर्ताको समय सिमा राखिएकोले प्रतियोगितामा करिब ३५ टिमको सहभागिता हुने अपेक्षा गरिएको प्रतियोगिता संयोजक सन्तोष गुरुङले बताए । प्रतियोगिताका बिजेताले १ लाख ५५ हजार ५ सय ५५, उपविजेताले ८५ हजार ५ सय ५५ रुपैयाको साटमा ट्रफी मेडल र प्रमाणपत्र वितरण गरिने भएको उनले जनाए ।

सेमिफाइनलमा प्रबेश गर्ने टिमलाई १० हजार, प्रतियोगिताको क्वाटरफाइनलबाट म्यान अफ दी म्याच घोषित गरिने भएको छ । प्रतियोगितामा उत्कृष्ट खेलाडीलाई माउण्टेन वाइक पुरस्कार वितरण गनिरे भएको क्लवका अध्यक्ष नर प्रसाद गुरुङले बताए । प्रतियोगितामा उत्कृष्ट गोलरक्षक, उत्कृष्ट डिफेण्डर, उत्कृष्ट मिडफिल्डर, उत्कृष्ट सर्वाधिक गोलकर्ता, उत्कृष्ट प्रशिक्षकलाई जनही ५ हजारको साथमा ट्रफी प्रदान गरिने भएको छ ।

उक्त प्रतियोगितामा क्लवका पूर्व खेलाडी स्वर्गीय किरण खड्का परिवारबाट पहिलो पुरस्कार प्रायोजन गर्ने भएको छ भने द्धितिय पुरस्कार पोखरा १२ को वडा कार्यालय रहेको क्लवका सचिव पुर्ण गुरुङले बताए । यस अघि पूर्व खेलाडी स्वर्गीय किरण खड्काको स्मृतिमा उक्त प्रतियोगिता संचालन भएको क्लवले एटुजेडलाई बताए । क्लवले आगामी बर्ष देखि फुटवल प्रतियागिताको रुपमा संचालन गर्ने यस बर्ष प्राविधिक कारणले गर्दा सेभेन ए साइडमै गर्ने भएको अध्यक्ष गुरुङले बताए । एन्फा आबद्ध क्लवहरुलाई पहिलो प्रथामिकता दिदै दर्ता लिने जनाएको क्लवले एक टोलीको दर्ता शुल्क नै ८ हजार लिने भएको छ । स्थानिय खेलाडी उत्पादन गर्ने उद्धेश्यले उक्त प्रतियोगिता आयोजना गरिएको संयोजक गुरुङले बताए ।