काठमाडौं । काठमाडौंमा वैदेशिक रोजगारीमाबाट फर्केका व्यक्तिमाथि लुटपाट गर्ने पाँच जना पक्राउ परेका छन् ।

पक्राउ पर्नमा काठमाडौंको दक्षिणकाली नगरपालिका–४ का ३२ वर्षीय रामबहादुर तामाङ, सिन्धुपाल्चोकको लिसङ्खुपाखर गाउँपालिका– ३ का ४० वर्षीय विपिन लामा, महोत्तरीको बर्दिबास नगरपालिका– ६ घर भएका ३८ वर्षीय विनोद मगर, रामेछापको सुनापति गाउँपालिका– ३ का ३० वर्षीय राजु तामाङ र रामेछापको मन्थली नगरपालिका– १६ का ३० वर्षीय राजकुमार माझी छन् ।

उनीहरुले यहि १३ असार साँझ साढे ६ बजेतिर काठमाडौं महानगरपालिका– ९ गौशालास्थित रुन्चेडाँडाको सार्वजनिक बाटोमा विदेशबाट फर्केका एक व्यक्ति धम्क्याउँदै ४५ हजार रुपैयाँ लुटेको थियो ।

प्रहरी वृत्त गौशालाका अनुसार पक्राउ परेकाहरुबाट लुटपाटको ४५ हजार रुपैयाँ समेत बरामद गरिएकोे छ ।

पक्राउ परेकाहरुविरुद्ध डाँका गर्न नहुने कसुरमा काठमाडौं जिल्ला अदालतबाट ५ दिनको म्याद लिएर अनुसन्धान अघि बढाइएको प्रहरीले जनाएको छ ।