अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) केन्द्रीय कमिटीले विभिन्न प्रदेशमा जिम्मेवारी तोकेको छ ।  अनेरास्ववियु केन्द्रको परिपत्रअनुसार गण्डकी प्रदेश इञ्चार्जमा ई. किशोर चन्द्र सुवेदी नियुक्त भएका छन् ।

अनेरास्ववियु गण्डकीको नेतृत्व सुशन घिमिरेलाई दिइएको छ । अध्यक्ष प्रबिन श्रेष्ठ उमेरहदका कारण बाहिरिएपछि घिमिरेलाई केन्द्रले संयोजक तोकेको हो । सहसंयोजकद्वयमा विश्वदर्शन पराजुली र सुरज सापकोटा नियुक्त भएका छन् ।

अधिवेशनबाट निर्वाचित अध्यक्ष श्रेष्ठले जाँदाजाँदै दुई जना उपाध्यक्ष छाडेर सचिव सुरज सापकोटालाई प्रदेश संयोजकको जिम्मेवारी दिएर विवादित निर्णय गरेका थिए ।

श्रेष्ठले आफूखुशी गरेको निर्णयलाई केन्द्रले सच्याउँदै जिम्मेवारी तोकेको हो । यसै कमिटीले अब नयाँ अधिवेशन सम्पन्न गर्नेछ ।

केन्द्रले गण्डकीका ११ वटै जिल्लाका साथै पोखरा महानगर कमिटीको ईञ्चार्जको जिम्मेवारी पनि तोकेको छ ।

हेर्नुहोस्ः