स्याङ्जाको गल्याङ नगरपालिकामा बनेको झोलुङ्गे पुल सञ्चालनमा आएको छ ।
स्याङ्जाको गल्याङ नगरपालिका–११ बुढाथोकीडाँडा र वडा नं. ७ सेनापुक जोड्ने ४४४ मिटर लामो पुल सञ्चालनमा आएको हो ।
झोलुङ्गे पुल सञ्चालनमा आएसँगै एक घण्टाको यात्रा अब १५ मिनेटमा छोटिएको छ ।
संघीय सरकारअन्तर्गतको सस्पेन्सन ब्रिज डिभिजन कार्यालय, काठमाडौंमार्फत पुल निर्माण गरिएको हो । नगरप्रमुख गुरुप्रसाद भट्टराईका अनुसार पुल निर्माणमा ४ करोड ५६ लाख ५८ हजार २४८ रुपैयाँ ६० पैसा खर्च भएको छ ।
यसअघि करादीमा बनेको झोलुङ्गे पुलभन्दा गल्याङमा निर्माण भएको पुल ७६ मिटर लामो छ । जय नेपाल ईश्वर निर्माण सेवा प्रालिले गत वर्ष १० असारमा निर्माणको जिम्मा लिएको थियो । १८ महिनाभित्र काम सक्ने सम्झौता भए पनि निर्माण कम्पनीले पाँच महिनाअघि नै पुल तयार पारेको नगरप्रमुख भट्टराईले बताए ।
निर्माण अवधि गुज्रिएर धेरै आयोजना अलपत्र परिरहेका बेला जिल्लाकै लामो पुल निर्धारित समयभन्दा अगावै सम्पन्न भएको उनको भनाइ छ ।
पुल सञ्चालनमा आएपछि बुढाथोकीडाँडा र सेनापुक क्षेत्रका बासिन्दालाई आवतजावतमा सहज भएको छ । विशेषगरी व्यापार–व्यवसाय, शिक्षा, स्वास्थ्य र दैनिक कामकाजका लागि ओहोरदोहोर गर्ने स्थानीयलाई समय बचत भएको नगरपालिकाले जनाएको छ ।
पुल बनेपछि गल्याङ नगरपालिका–७ सेनापुक सिधै सिद्धार्थ राजमार्गसँग जोडिएको छ । यसअघि उक्त क्षेत्रबाट राजमार्गसम्म पुग्न करिब एक घण्टा लाग्नेमा अहिले १५ मिनेटमै पुग्न सकिने भएको छ ।
पुलको भारवहन क्षमता एक हजार ५८ जना मानिस र १३३ मेट्रिक टन रहेको जनाइएको छ । नगरप्रमुख भट्टराईले पुलले गल्याङको भौतिक पूर्वाधारसँगै आर्थिक, पर्यटन र सामाजिक विकासमा समेत योगदान पुर्याउने बताए ।
सम्बन्धित खबर
स्याङ्जामा ४४४ मिटर लामो झोलुङ्गे पुल सञ्चालनमा, एक घण्टाको यात्रा १५ मिनेटमा
८ वर्षदेखि अलपत्र भीरकोटको बसपार्क, भाडाको जग्गामा नगरपालिकाकै निर्माण सामग्री
तर्साएर शासन नगर्नू, कांग्रेस रहेसम्म लोकतन्त्र खोस्न सकिँदैन : महामन्त्री पौडेल
जग्गा र जनशक्ति अभावमा मत्स्य विकास केन्द्रको काम प्रभावित
१०० वर्षका दाइलाई ९३ वर्षकी बहिनीले लगाइन् भाइटीका
पाँच वर्षअघि शिलान्यास भएको बसपार्क अझै अलपत्र
यो पनि पढौँ
पोखराका विवेक थापा: चलचित्रप्रतिको मोहले व्यवसायीबाट बने फिल्म निर्माता
पोखरामा जिपमा स्कुटर ठोक्किँदा दुई युवाको ज्यान गयो
सिक्लेसमा पर्यटकको ओइरो, एकैदिन १ हजार ३८४ पर्यटक पुगे
भीमफेदी माइक्रो दुर्घटना अपडेट: मृत्यु हुने १४ जनाकै सनाखत, एउटै गाउँका छिमेकी र आफन्त परे