एजेन्सी । भारतमा भइरहेको १७ औं लोकसभा निर्वाचनको आज भइरहेको मतगणनाको प्रारम्भिक गणनाले सत्तारुढ भारतीय जनता पार्टी एक्लैले बहुमत ल्याउने अवस्था देखिएको एनडीटिभीले जनाएको छ । केहीबेर अघि सम्मको मतगणनामा भाजपा नेतृत्वको गठबन्धन ३२८ सिटमा अघि देखिएको छ भने विपक्षी कंग्रेस आइ ११२ सिटमा अगाडि देखिएको छ । त्यसैगरी निर्दलीय उम्मेदवार १०२ सिटमा अगाडि रहेको जनाइएको छ ।
भाजपाका उम्मेदवार प्रधानमन्त्री नरेन्द्र मोदी वाराणसीमा आफ्ना प्रतिद्वन्दी भन्दा निकै अघि देखिएको भारतीय सञ्चार माध्यमले जनाएका छन् । उता कांग्रेस अध्यक्ष राहुल गान्धी आफ्नो पुरानो निर्वाचन क्षेत्र अमेठीमा संघीय मन्त्री स्मृति इरानीसँग पछि परेका छन् भने अर्को निर्वाचन क्षेत्रमा भने राहुल नै अघि रहेको बताइएको छ ।
लोकसभा चुनावको परिणाम आउनुअघि नै भारतीय जनता पार्टीले जीतको उत्सव मनाउन थालिसकेको छ । दिल्ली भाजपाले सात किलोको लड्डु केक अर्डर गरेको छ । परिणाम घोषणा भएपछि यो केक काटिनेछ । यसबाहेक पनि पाँच किलोका ९ केक भाजपा केन्द्रीय कार्यालयमा काट्नका लागि अर्डर गरिएको छ । यो तयारीबाट भाजपा चुनावमा जीत हुने कुरामा ढुक्क रहेको देखाउँछ ।
दिल्लीमा लोकसभाका सात सीट छन् र अघिल्लो चुनावमा भाजपाले सबैमा जीत हासिल गरेको थियो । यसपालि चाहिँ दिल्लीमा त्रिपक्षीय प्रतिस्पर्धा भइरहेको छ किनकि भाजपा र कांग्रेस बाहेक सत्तारूढ आम आदमी पार्टीले पनि चुनावमा निकै जोड दिएको छ ।
सम्बन्धित खबर
कास्कीको अन्नपूर्णमा सामुदायिक बनमा आगो लगाउने एक व्यक्ति पक्राउ
पोखराको हर्पन खोलामा डुबेर एक बालकको मृत्यु
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
वैदेशिक रोजगारका नाउँमा ठगी धन्दा, झन्डै ५ करोड ठगी गरेको आरोपमा ६ जना पक्राउ
पोखरामा कक्षा १२ को परिक्षाको प्रश्नपत्र आउट गर्ने कार्यमा संलग्न रहेको आरोपमा २ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग