जोसेफा गोन्जालेज क्लान्कोको आग्रहमा शुक्रबार एरोमेक्सिकोको उडान ४० मिनेट ढिलो गरिएको खुलेपछि राष्ट्रपति आन्ध्र म्यानुएल लोपेज ओब्रडोर समक्ष राजिनामा बुझाएकी हुन्।

‘त्यसलाई न्यायोचित ठह¥याउन सकिन्छ,’ गोन्जाले ब्लान्कोले राजिनामा पत्रमा लेखेकी छिन्, ‘मोक्सिकोको साँचो रुपान्तरणका लागि समानता र न्यायसँग पूर्ण रुपमा मेल हुन आवश्यक छ। कसैलाई कुनै पनि काम गर्दा विशेषाधिकार र सुविधा हुनुहुन्न, आफ्नो खुशीलाई धेरै मानिसका खुशी भन्दा माथि राखिनु हुन्न।’

उडानमा भएको ढिलाईको आम रुपमा अलोचना भएको थियो । सञ्चार माध्यमहरुमा राष्ट्रपतिको आदेशमा ढिलाइ भएको समाचार आएको थियो।

यसमा राष्ट्रपतिले कुनै आदेश नदिएको र आफ्नो कारणले मात्रै त्यस्तो ढिलाइ भएको उनले बताएकी छिन्।

भ्रष्टाचार निर्मूल पार्ने प्रतिवद्धता साथ शासनमा पुगेका लोपेज ओब्राडोरले मन्त्रीको राजिनामा स्वीकार गरेका छन् । राष्ट्रपति लोपेज ओब्राडोरले भ्रष्टाचार, नातावाद शुन्य पार्ने बताएका छन्। रोयटर्स