पोखरा । अखिल नेपाल फुटबल संघ (एन्फा) कास्कीको आयोजनामा जारी जिल्ला स्तरीय साबित्री निर्माण सेवा फुटबल लिगमा आज ७ खेल सम्पन्न भएका छन् ।

लिग चरणको खेल अन्तर्गत पोखरा रगशालास्थित वैकल्पिक खेलमैदानमा ३ र हेम्जास्थित गौरीशंकर खेलमैदानमा ४ गरी ७ खेल सम्पन्न भएको हो ।

रंगशालास्थित वैकल्पिक खेलमैदानमा आज भएको पहिलो शितलज्योती युवा क्लबले सहारा क्लबलाई २–१ गोल अन्तरले पराजित गर्याे । यो खेलसँगै शितलज्योतीले ९ अंक जम्मा गर्दै शिर्षस्थानमा रहेको छ ।

दोस्रो खेलमा भ्याली स्पोर्टस्ले रामघाटलाई ४–२ गोल अन्तरले हरायो । भ्याली स्पोर्टस्को अंक ७ रहेको छ ।

अन्तिम खेलमा गार्डेन एफसीले फुलबारी क्लबलाई ४–० को फराकिलो गोल अन्तरले पराजित गर्याे । योसँगै गार्डेनको अंक ६ रहेको खेल संयोजक नर प्रसाद गुरुङले बताए ।

गौरीशंकर खेलमैदानमा आज भएको पहिलो खेलमा एपेक्स क्लबको अनुपस्थितिमा एबीसी क्लबले वाक–ओभरमार्फत जित हाँसिल गरेको खेल सहसंयोजक सुनिल गायकले जानकारी दिए । उनका अनुसार एबिसीले ३ खेल खेल्दै ३ अंक बटुलेको छ ।

दोस्रो खेलमा सत्य युवा क्लब बाँझापाटनले भदौरे एफसीलाई ४–१ गोल को फराकिलो अन्तरले पराजित गर्याे । यो जितसँगै सत्य युवा क्लबले ९ अंक जम्मा गर्दै शितलज्योती क्लबसँगै शिर्षस्थानमै रहेको छ ।

तेस्रो खेलमा हेम्जा युनाईटेडले नयांगाउँलाई ४–० गोलको फराकिलो अन्तरले हरायो । हेम्जा युनाईटेडले ३ खेल खेल्दै ७ अंक बटुलेको छ ।

अन्तिम खेलमा सँगम क्लबमाथी विष्णुपादुकाले १–० गोल अन्तरले जित निकाल्यो । यो खेलसँगै विष्णुपादुकाको अंक ६ रहेको छ ।