पोखरा : स्याङजामा ३० जना युवा युवतीहरुले तीन दिने उद्घोषण तथा नेतृत्व विकास तालिम लिएका छन् । वालिङ नगरपालिका वडा नं ३ ले आयोजना गरेको तीन दिने उद्घोषण तथा नेतृत्व विकास तालिम स्थानीय ३० युवा युवतीहरुले लिएका हुन् ।
तालिममा वडा नम्बर ३ का माझकोट, राम्चे, बुढाकोट, सिङगारकोट लगायतका गाउँबाट ३० जना युवा युवतीहरु सहभागि भएका थिए । बुधबार तीन दिने तालिम समापन कार्यक्रममा बोल्दै वालिङ नगरपालिकाका उपमेयर कल्पना तिवारीले महिला र पुरुषमा कुनै पनि क्षमताको भिन्नता नरहेको भन्दै अवसर पाएमा सबैले प्रगति गर्न सक्ने धारणा राखिन् ।
‘महान विचार र उच्च लक्ष्यका साथ अघि बढ्ने मान्छे जुनसुकै काममा पनि सधैँ सफलता हाँसिल गर्छन्’ उनले भनिन् । महिलाहरुले आफनो व्यक्तित्व र नेतृत्वमा निखार ल्याएमा आगामि दिनमा नेतृत्वदायी भूमिका खेल्ने उनले बताईन् । युवा युवतीहरुको बोल्ने बानीको विकास होस भन्ने उद्देश्यले पहिलो पटक यस्तो कार्यक्रम गरेको बताउँदै वडाध्यक्ष सुकराज गुरुङले यस्तो कार्यक्रमको माग र चासो बढेमा यस्तो तालिमलाई निरन्तरता दिइरहने बताए ।
कार्यक्रममा वालिङ नगरपालिका कार्यपालिका सदस्य गीता रानपाल, नेकपाका वडा अध्यक्ष थमन गुरुङ, तालिम संयोजक कौबहादुर गुरुङ, प्रशिक्षक रोशनी गुरुङ लगायतले मन्तव्य राखेका थिए । तालिममा मादी न्युज डटकम तथा तमू संसार पत्रिकाका सम्पादक रोशनी गुरुङले सहजीकरण गरेका थियो भने तालिमका प्रशिक्षार्थी यन्सरी गुरुङले कार्यक्रमको सञ्चालन गरेका थिए ।
सम्बन्धित खबर
रातदिन खटेर काम गर्नुपर्ने बेला भएको भन्दै विदेश भ्रमण नजान प्रधानमन्त्रीको निर्देशन
पोखरा-१५ मा विविध कार्यक्रमको आयोजना गरी धान दिवस मनाइयो
र्यान्डममा सुमिनाको ‘बागी स्त्रीको आत्मकथा’
पर्वत फलेवास–अर्मादी सडकखण्ड निर्माणमा ढिलासुस्ती
जनताले अनुभूत गर्ने गरी गणतन्त्रको कार्यान्वयन अपरिहार्यः प्रदेश प्रमुख भट्ट
‘सफल सादा दही’ पोखरा बजारमा उपलब्ध
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग