नायिका हुनुभन्दा पहिले सपिङ गर्न चोर बजार जान्थिन् श्रद्धा बलिउड अभिनेत्री श्रद्धा कपूरको फिल्म ‘बत्ती गुल मिटर चली’ ले खासै व्यापार राम्रो गर्न सकेन । तर, उनको फिल्म ‘स्त्री’ ले भने उनलाई थोरै राहत दियो ।

पछिल्लो समय उनी फिल्म ‘साहो’ का कारण चर्चामा छिन् । यो फिल्मबाट उनी निकै उत्साहित पनि छिन् । उनले प्रभाससँग फिल्म खेल्न पाउनुलाई मौकाका रुपमा हेरेकी छिन् । एक अन्तर्वार्ताका क्रममा उनले अभिनेत्री बन्नभन्दा पहिले आफूले चोर बजारमा जाने गरेकी बताइन् । अन्तर्वार्ता दिँदै उनले आफूले चोर बजार गएर सामान खरिद गर्ने गरेको बताइन् । ‘म सामान किन्दा बार्गेनिङ गर्ने गर्छु, कलाकार हुनुभन्दा पहिले म चोर बजारमा गएर सामान किन्ने गर्थेँ,’ उनले भनिन् ।

साथै उनले सामाजिक सञ्जालमा खासै महत्त्व नदिने पनि बताइन् । उनले भनिन्, ‘यदि मैले सामाजिक सञ्जालमा नै समय दिएँ भने काम कतिबेला गरुँ?’ रिलिजका क्रममा रहेको फिल्म ‘साहो’ मा बाहुबली स्टार प्रभास र श्रद्धा कपूर एक्सन अवतारमा देखिनेछन् । फिल्ममा यी दुईको रोमान्स पनि देख्न सकिनेछ ।