महेन्द्र जिसी, पर्वत । निर्वाचित जनप्रतिनिधि नै जापान बस्ने भएपछि सेवा रोकिएको भन्दै पर्वतको पैयुँ गाऊँपालिकाको कार्यालयमा तीन दिनदेखि तालावन्दी गरिएको छ । वडा नं. ४ का अध्यक्ष महेन्द्र कुमार श्रेष्ठ आफ्नो जिम्मेवारी समेत छाडेर चार महिनादेखि जनतासँग लुकेर जापान बसेका छन् । दैनिक काजकामका लागि समेत वडाको सिफारिस चाहिन्छ, वडा अध्यक्ष नै नहुँदा स्थानीयले सेवा नपाएको भन्दै तालाबन्दी गरेका छन् ।
प्रदेश कानुन अनुसार वडाअध्यक्ष विना जानकारी लगातार तीन वटा कार्यपालिका वैठकमा सहभागी नभए कार्वाही गर्ने प्राबधान अनुसार गाउँपालिकाले पत्र काटेपछि विवाद चुलिएको हो । अहिले गाउँ पालिकाको कार्यालयमा तालाबान्दी छ । प्रमुख प्रशासकीय अधिकृत उज्वल भुसालका अनुसार सेवा दिने जनप्रतिनिधि नै चार महिना देखि कार्यालयमा नभएपछि यस्तो अवस्था आएको हो । उप प्रमुख जसमती गुरुङले सेवा सुविधा लिएर जन प्रतिनिधि कमाउन जानु गलत भएको भन्दै आफूले तत्काल कार्यालयमा हाजिर हुन आग्रह गरेको बताईन् ।
आफैले जिताएका अध्यक्ष कमाउन जापान हानिएपछि जनताले सेवा नै पाएका छैनन् । उनीहरुले लगातार कार्यालयमा धर्ना दिइरहेका छन् । जापान बस्दै आएकी अध्यक्ष श्रेष्ठ नेकपा एमालेबाट निर्वाचित भएका हुन् । जापानमा व्यवसाय गदै आएका श्रेष्ठले आर्थिक चलखेलमा चुनाव जितेको गुनासो अहिले स्थानीयको छ । पालिका भित्रको आन्तरिक समस्यामा आफूहरुको कुनै भूमिका नरहने जिल्ला समन्वय समिति पर्वत बताउँछ ।
समन्वय अधिकारी विष्णु प्रसाद भुसालले दुई स्थानीय तहमा देखिएका विवाद समाधान गर्ने अधिकारी भएको भएपनि गाउँपालिका भित्रको आन्तरीक विवाद मिलाउने अधिकार नभएको हुँदा पालिकाको कार्यालय खुलाउन पहल गर्न नसकिएको बताए ।
नेपाल सरकारको गाउँगाउँमा सिँहदरवार भन्ने नारालाई निर्वाचित जनप्रतिनिधि नै कमाउधन्दामा देश छाडेपछि गिज्याइरहेको आभाष हुन्छ ।
सम्बन्धित खबर
पुतलीबजार पूर्ण खोप सुनिश्चितता नगर घोषित
पोखरामा पेस्तोल सहित एक व्यक्ति पक्राउ
गण्डकीमा डायलाइसिस सेवाको प्रतिक्षामा रहेकाको संख्या शुन्यमा झार्ने लक्ष्य पुरा
मगर विद्यार्थी संघ पिएन क्याम्पसको अध्यक्षमा अनोक पुलामी
भूकम्पको स्मरणः बारपाकमा आज सार्वजनिक बिदा
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग