गत असार ९ गते देखी बेपत्ता पोखरा महानगरपालिकाका सामाजिक महाशाखा प्रमुख, वरिष्ठ अधिकृत ओमराज पौडेलको शव तीन सातापछि फेला परेको छ । शनिबार विहान तनुहँको भिमादको सेती नदिकिनारमा शव फेला परेको खबर आएको कास्की प्रहरीले जनाएको छ ।
उनी हराएको २२ दिन पछि भिमादबाट शव फेला परेको जानकारी आएको कास्की प्रहरी प्रवक्ता डिएसपी रविन्द्र गुरुङले जानकारी दिए । उनको शवलाई आफन्तले पहिचान गरे पछि प्रहरीले मुचुल्का उठाउन थालेको बताइन्छ । मुचुल्का गरे पछि उनको शवलाई पोष्टमार्टका लागि पश्चिमाञ्चल क्षेत्रिय अस्पतालमा ल्याइनेछ ।
असार ९ गते शनिबार विहान करिब ५ बजे तिर घरबाट निस्किएका उनी त्यसपछि वेपत्ता थिए । पौडेल वेपत्ता भएको खबर पाउने वित्तिकै कास्की प्रहरी सहितको रेस्क्यू टोली, क्यानोनिङ टोली समेतले सेती किनारमा खोजी गरिरहेको थियो । तनहुँ प्रहरीले पनि आफ्नो क्षेत्र अन्तर्गतको सेती नदि किनारमा निगरानी गरिरहेको थियो ।
पौडेल घरबाट सरसफाइको कार्यक्रम जाने भन्दै निस्किएका थिए । पौडेलले घर छाड्नु अघि श्रीमतीलाई सम्बोधन गरेर एउटा नोट समेत छाडेका थिए । जुन पोखरा महानगरपालिकाले कास्की प्रहरीको रोहवरमा एक सातापछि सार्वजनिक पनि गरेको थियो ।
उक्त नोटमा श्रीमतीलाई खुसी राख्न नसकेको र आगामी दिनमा साथ दिन नसक्ने उल्लेख गर्नुका साथै सन्ततीलाई सम्बोधन गरेर ३ फूललाई राम्ररी हेरविचार गर्न श्रीमतीलाई अनुरोध गर्दै अलबिदा लेखेको प्रहरीले बताएको छ ।
यसबीचमा उनको शव समेत फेला नपरेको अवस्थामा महानगरपालिका, महानगर प्रमुख लगायतको दबाबले यो अवस्था आएको भन्दै राजनीतिक रंग दिने प्रयास समेत भयो ।
ओमराज पौडेल असार ९ गते विहान महेन्द्रपुल क्षेत्रबाट पुलसम्म यसरी गएका थिए । भिडियोमाः
https://www.facebook.com/gandaknews/videos/848021495390104/
सम्बन्धित खबर
पोखरामा पेस्तोल सहित एक व्यक्ति पक्राउ
गण्डकीमा डायलाइसिस सेवाको प्रतिक्षामा रहेकाको संख्या शुन्यमा झार्ने लक्ष्य पुरा
मगर विद्यार्थी संघ पिएन क्याम्पसको अध्यक्षमा अनोक पुलामी
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
पोखराको चाउथेमा दुर्घटना: १९ वर्षीया खुसीको मृत्यु, स्कुटर चालक विनिता घाइते
सीप सिकौं, दक्ष बनौं भन्दै पोखरा १३ द्वारा निशुल्क तालिम, ४५ जना लाभन्वित
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग