नयाँ दिल्ली । उत्तर प्रदेशको शामली जिल्लामा पटरी भन्दा उतरमा रहेको मालगाडीको समाचार संकलन गर्न गएका एक पत्रकारलाई कुटपिट गरेको आरोपमा जीआरपी एसएचओ राकेश कुमार र कन्स्टेबल सञ्जय पवारलाई निलम्बन गरिएको छ । यूपीको डीजीपी ओपी सिंहले आरोपी पुलिसकर्मीहरु विरुद्ध अझ कठोर कारबाही गर्ने प्रतिबद्धता पनि व्यक्त गरेका छन् ।
प्रहरी सूत्रका अनुसार उनीहरुमाथि थप छानविन गरेर दोषी पाइएमा उनीहरुलाई बर्खास्त सम्म गर्ने तयारी भइरहेको छ । पुलिसकर्मीहरुमाथि आरोप छ कि उनीहरुले पत्रकार अमित शर्माका साथ अमानवीय व्यवहार गरेका थिए । भारतीय सञ्चारमाध्यममा पत्रकार शर्माको मुखमा प्रहरीले पिसाब फेरेको समेत आरोप लागेको छ । यस भन्दा पहिले बुधवार विहान पत्रकारहरुले आरोपी अधिकारीहरु विरुद्ध प्रदर्शन समेत गरेका थिए ।
पिडित पत्रकार अमित शर्माले उनीविरुद्ध पहिले प्रहरीले कुटपिट गरे र त्यसपछि हिरासतमा लिएका थिए । हिरासतमा उनलाई नाङ्गो गराएर उनको मुखमा पिसाव समेत गरेका थिए । शर्माका अनुसार ती प्रहरीहरु बर्दीमै थिए । उनीहरुले घटनास्थलमा गाली गलौज र कुटपिट गरी उनको माइक समेत तोडफोड गरेका थिए। उनीमाथि गरेको कुटपिटको भिडियो सामाजिक सञ्जालमा भाइरल भएको छ ।
पत्रकारले आरोप लगाएका छन् कि उनीसँग क्यामेरा खोस्न लाग्दा क्यामेरा भुईंमा खस्यो । त्यो क्यामेरा टिप्नको लागि निहुरिएको बेलामा एक प्रहरीले पिट्न सुरु गरे । उनी विरुद्ध भद्दा गाली समेत गरिएको छ । मिडियाकर्मीले यो पनि आरोप लगाएका छन् कि प्रहरीहरुले करीब २०० मीटरसम्म उनलाई पिट्दै लगे र उनलाई लकअपमा बन्द गराए। सोही बन्द लकअपमा उनको मुखमा पिसाव समेत गराईयो । पत्रकार शर्माले रेलवेको एक समाचार लेखेको आधारमा उनी विरुद्ध प्रहरीहरु आक्रोशित थिए ।
#WATCH Shamli: GRP personnel thrash a journalist who was covering the goods train derailment near Dhimanpura tonight. He says, "They were in plain clothes. One hit my camera&it fell down. When I picked it up they hit&abused me. I was locked up, stripped&they urinated in my mouth" pic.twitter.com/nS4hiyFF1G
— ANI UP/Uttarakhand (@ANINewsUP) June 11, 2019
सम्बन्धित खबर
कास्कीको अन्नपूर्णमा सामुदायिक बनमा आगो लगाउने एक व्यक्ति पक्राउ
पोखराको हर्पन खोलामा डुबेर एक बालकको मृत्यु
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
वैदेशिक रोजगारका नाउँमा ठगी धन्दा, झन्डै ५ करोड ठगी गरेको आरोपमा ६ जना पक्राउ
पोखरामा कक्षा १२ को परिक्षाको प्रश्नपत्र आउट गर्ने कार्यमा संलग्न रहेको आरोपमा २ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग