नेगम परियार, मनाङ । हिमाली जिल्ला मनाङमा पर्यटकहरुको आगमन बढे संगै अर्गानिक र जिल्लामै उत्पादित बस्तुको माग बढेको छ । यहाँ आएका आन्तरिक तथा बाह्य पर्यटकहरुले स्थानीय स्थरमै उत्पादित खाने कुरा खाने गरेको होटल ब्यबसायीले बताए ।
पर्यटकहरुले जिल्लाभित्र उत्पादित स्याउ, आलु, फापर, कोलो, करु साथै याक, च्याङ्ग्रा, भेडा र लोकल कुखुराको परिकार बढी रुचाउने गरेको चामे ३ स्थित होटल व्यवसाय सञ्चालन गर्दै आएकी खरीमाया गुरुङले बताईन् ।
बिशेष गरी चाइनिज तथा अन्य देशका पर्यटकहरुले समेत जिल्लामा उत्पादित तरकारी तथा मासु प्रति रुचि देखाउने गरेको उनले बताईन् । आन्तरिक पर्यटकहरुले पनि मनाङ घुम्न आउँदा लोकल अर्गानिक खाना तथा खाजाहरु खाने गरेको पाईन्छ ।
जिल्लामै उत्पादित अर्गानिक खाना र खाजाप्रति आन्तरिक तथा बाह्य पर्यटकहरुको यसरी आकर्षण बढ्दै गएकाले हरेक होटलहरुमा पर्यटकहरुको पूर्ण सन्तुष्टि पुरा गर्न होटल ब्यबसायीहरु आफैले अन्नबाली र तरकारी बाली लागाउने गरेको समेत गुरुङले बताईन ।
त्यस्तै, मासुको लागी याक, च्याङ्ग्रा, भेडा तथा लोकल कुखुरा आफैले पाल्ने गरेका छन् । पर्यटकहरुले माग गर्ने भएकाले माग पुरा गर्न आफैले लोकल कुखुरा समेत पाल्ने गरेका छन् । बाह्य पर्यटकहरुले स्याउ, फापर र आलुको परिकार बढी रुचाउने गर्छन् भने नेपाली पर्यटकहरुले फापरको ढिँडो, लोकल कुखुराको मासु साथै याक च्याङग्रा, भेडाको मासु खान इच्छा राख्ने गरेको उनले बताईन् ।
उनले थप्दै भनिन् – सबै कुराको ब्यबस्था िमलाउन पर्यो नि । नत्र पर्यटकहरुको माग कसरी पुरा गर्ने ? पर्यटकहरुलाई त चाहेको र भएको सेवा कसरी दिन सकिन्छ त ? उनले भनिन । यसरी आफनै ठाउँ, गाउँ घरमै उत्पादित परिकार खान पाउँदा आन्तरिक तथा बाह्य पर्यटकहरु पनि खुशी भएर जाने गरेको होटल ब्यबसायी गुरुङको अनुभव छ
सम्बन्धित खबर
मोटरसाइकल दुर्घटनामा श्रीमानको मृत्यु, श्रीमती गम्भीर घाइते
पोखरासहित गण्डकी क्षेत्रमा सार्वजनिक यातायातमा विद्युतीय साधन बढ्दै
पोखरा–मुग्लिन सडक खण्डमा विजयपुर खोलासहित चार ठाउँमा पुल बनाइँदै
लेकसाइडमा स्कुटरलाई ठक्कर दिएर भागेका कुशल पक्राउ
गण्डकी प्रहरी प्रमुख बनिन् डीआईजी दुर्गा
पुतलीबजार पूर्ण खोप सुनिश्चितता नगर घोषित
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग