पोखरा, २१ मंसिर । पोखरा महानगरपालिका वडा नम्बर १९ को भवन शिलान्यास गरिएको छ । वडा भवनको पोखरा महानगरपालिका प्रमुख मानबहादुर जिसीले शुक्रबार शिलान्यास गरेका हुन् ।
लामाचौरको चौरमा रहेको महेन्द्र प्राविको जग्गामा अत्याधुनिक वडा कार्यालय निर्माण गर्न लागिएको हो । शिलान्यास कार्यक्रममा बोल्दै प्रमुख मानबहादुर जिसीले जनतालाई सुशासनको प्रत्याभूति दिलाउन वडा कार्यालय व्यवस्थित हुनुपर्ने बताए । ‘जनताले तिरेको करबाट नै भवन निर्माण गर्न लागिएको हो,’ जिसीले भने, ‘ यो जनताकै भवन हो, भवन निर्माण गर्दा गुणस्तरमा सम्झौता गर्नुहुँदैन ।’ भवन निर्माण गर्दा वडाबासीलाई निगरानी र अनुगमन गर्न उनले आग्रह गरे ।
१५ महिनामा भवन निर्माण गरिसक्ने समय भएकाले त्यो भन्दा अगाडि नै निर्माण गर्न ठेकेदार कम्पनीलाई जिसीले निर्देशन समेत दिए । अत्यधुनिक भवन निर्माणसँगै सेवा प्रवाहलाई प्रभावकारी बनाउनेतर्फ वडाको ध्यान जानुपर्ने भनाइ उनको छ ।
कार्यक्रममा वडा नम्बर १९ का वडाध्यक्ष शोभामोहन पौडेलले २ करोड ४२ लाखको लागतमा २ तले अत्याधुनिक भवन निर्माण गर्न लागिएको बताए । उनले वडा कार्यालयको निर्माणसँग विकासको पूर्वाधारलाई प्राथमिकता राखिएको बताए । वडाध्यक्ष शोभामोहन पौडेलको अध्यक्षतमा भएको कार्यक्रमको सञ्चालन वडा सदस्य कोपिला केसीले गरेकी थिइन् ।
सम्बन्धित खबर
पोखरामा पेस्तोल सहित एक व्यक्ति पक्राउ
गण्डकीमा डायलाइसिस सेवाको प्रतिक्षामा रहेकाको संख्या शुन्यमा झार्ने लक्ष्य पुरा
मगर विद्यार्थी संघ पिएन क्याम्पसको अध्यक्षमा अनोक पुलामी
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
पोखराको चाउथेमा दुर्घटना: १९ वर्षीया खुसीको मृत्यु, स्कुटर चालक विनिता घाइते
सीप सिकौं, दक्ष बनौं भन्दै पोखरा १३ द्वारा निशुल्क तालिम, ४५ जना लाभन्वित
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग