जिल्ला ट्राफिक प्रहरी कार्यालय कास्कीले आर्थिक वर्ष २०७५/७६ मा राजस्व संकलन वृद्धि भएको जनाएको छ । ट्राफिक प्रहरीले सवारी कारबाहीबाट ४ करोड ४७ लाख ३७ हजार ५ सय राजस्व संकलन गरेको छ ।
नियमविपरीत चलाइएका ६४ हजार २ सय सवारीबाट राजस्व संकलन गरिएको हो । आर्थिक वर्ष २०७४/७५ मा भने ५१ हजार ५ सय एक सवारी कारबाहीमा परेका थिए । त्यसबाट ३ करोड ६५ लाख ५१ हजार ५ सय राजस्व संकलन भएको थियो ।
ट्राफिक प्रहरीले जथाभावी पार्किङ गर्ने, मापसे गरी सवारी चलाउने सवारीलाई कारबाही गरी राजस्व संकलन गरेको हो ।
दुई पांग्रे सवारी चोरको निसानामा
कास्कीमा दुई पांग्रे सवारी चोरीको घटना बढ्दै गएका छन् । आर्थिक वर्ष २०७४/७५ को तुलनामा गएको वर्ष चोरीका घट्ना बढेका छन् । प्रहरीको तथ्यांकअनुसार गएको आर्थिक वर्ष २०७५/७६ मा पोखराका विभिन्न स्थानबाट ७६ वटा दुई पांग्रे सवारी हराएका थिए । त्यसमध्ये सातवटा मात्र भेटिएको प्रहरी नायब निरीक्षक कार्कीले बताए । आर्थिक वर्ष २०७४/७५ मा ५१ वटा दुई पांग्रे सवारी हराएका थिए । त्यसमध्ये चार वटा मात्र भेटिएका थिए ।
दुई पांग्रे सवारी हराएपछि भेटिन मुस्किल हुने ट्राफिक प्रहरी बताउँछन् । चोरिएपछि सवारीहरु विभिन्न ग्रामीण क्षेत्र र तराईतर्फ पुर्याइने हुँदा पुन: भेटिने सम्भावना न्यून हुन्छ ।
३ हजार सवारी साधनमा ह्वील तथा चेन लक
पाेखरामा सवारी पार्किङकाे समस्या पनि बढ्दै गएको छ । पोखरा महानगरपालिकामा निर्वाचित जनप्रतिनिधिले कार्यभार समालेको २ वर्ष बिते पनि पार्किङलाई व्यवस्थित गर्नेतर्फ आवश्यक पहल हुन सकेको छैन ।
सडकमै यत्रतत्र सवारी पार्किङ गर्नुपर्ने बाध्यता छ । सडक किनारमा जथाभावी पार्किङ गर्नेको संख्या बढ्दो छ । ट्राफिक प्रहरीले गएको आर्थिक वर्ष २०७५/७६ मा कास्कीमा झन्डै ३ हजार सवारी साधनमा ह्वील तथा चेन लक लगाएको छ । जिल्ला ट्राफिक प्रहरी कार्यालय कास्कीका सूचना अधिकारी कार्कीका अनुसार १ वर्षको अवधिमा जथाभावी पार्किङ गर्ने २ हजार ९ सय ६५ सवारीसाधनमा ह्वील तथा चेन लक गरिएको हो।
सम्बन्धित खबर
पुतलीबजार पूर्ण खोप सुनिश्चितता नगर घोषित
पोखरामा पेस्तोल सहित एक व्यक्ति पक्राउ
गण्डकीमा डायलाइसिस सेवाको प्रतिक्षामा रहेकाको संख्या शुन्यमा झार्ने लक्ष्य पुरा
मगर विद्यार्थी संघ पिएन क्याम्पसको अध्यक्षमा अनोक पुलामी
भूकम्पको स्मरणः बारपाकमा आज सार्वजनिक बिदा
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग