पोखरा : गोरखाको सेन्ट जोसेफ माध्यामिक बिद्यालयले क्यान्टिनमा खाजा नखाएको भन्दै एक बिद्यार्थीलाई निस्कासित गरेको छ । बिद्यालय प्रशासनले क्यान्टिनमा खाजा नखाएको भन्दै कक्षा ९ मा पढ्ने बिबेककुमार यादवलाई निस्कासित गरेको हो ।
‘मेरो छोरा ३ कक्षा देखि त्यहीँ स्कूलमा पढ्थ्यो’ बुबा मुकेशकुमार यादवले भने, ‘तर साथीहरुसँग बाहिर गएर खाजा खायो भनेर स्कूलले निकालिदियो ।’ कक्षा ८ मा छँदा बिबेक सहित उनका ३÷४ जना साथीहरुले विद्यालय बाहिरको पसलमा गएर खाजा खाएको भन्दै अघिल्लो शैक्षिक सत्रमा निस्कासनको चेतवानी दिएपछि उनका साथीहरु भने अन्यत्रको विद्यालयमा भर्ना भएका थिए ।
तर, बिबेकलाई भने विद्यालयले ९ कक्षामा भर्ना लिएपछि विद्यालय नआउन भनेको छ । ‘मैले ९ हजार तिरेर उसलाई ९ कक्षामा भर्ना गराएको छु, ३÷४ दिन पढ्न पनि गएको छ’ बुबा मुकेशले भने ‘पछि फादरले मलाई बोलाएर तपाइँको छोरा यहाँ पढ्न मिल्दैन लैजानु भन्नुभयो, अब म कहाँ लैजाउँ ।’
‘अरु साथीहरुले पढ्न थालेको एक महिना हुन लाग्यो, उ भने घरमा गएर बसेको छ’ बुबा मुकेशले भने ‘यसै विद्यालयको अरु शाखामा सरुवा गर्दिनु म अन्तै लैजान्छु भन्दा पनि गरिदिनु हुन्न ।’ विद्यालयले अर्को शाखामा सरुवा नगरिदिएपछि बिबेकले पढ्न पाएका छैनन् ।
विद्यालयले पटक–पटक सचेत गराउँदा उनी अबैद्य इलेक्ट्रिक हुक्का खाने, साथीहरुको समूह बनाएर दिउँदै विद्यालयको कम्पाउण्ड नाघेर भाग्ने लगायतका काम गरेको विद्यालय स्रोतले आरोप लगाएकोे छ । तर विद्यालयका प्रधानाध्यापक डेनिस सुजालाई पटक–पटक सम्र्पकको प्रयास गर्दा पनि उनको फोन उठेन ।
सम्बन्धित खबर
मोटरसाइकल दुर्घटनामा श्रीमानको मृत्यु, श्रीमती गम्भीर घाइते
भूकम्पको स्मरणः बारपाकमा आज सार्वजनिक बिदा
गोरखाको वीरेन्द्र तालमा हिमपहिरो, एउटा पुल बगायो
गोरखाका पाँच पालिकाको निर्णय : सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने
ट्याक्सी दुर्घटनामा बेपत्ता भएका युवकको शव त्रिशूलीमा फेला
ट्याक्सी दुर्घटनामा निधन भएका एकै परिवारका सदस्य, एक अझै बेपत्ता
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग