लमजुङ । लमजुङको सुन्दरबजार नगरपालिका–६, मा रहेको सयपत्री आवसीय माविका विद्यार्थीलाई नेतृत्व विकास, उद्घोषण तथा आधारभूत समाचार लेखनसम्वन्धी तालिम प्रदान गरिएको छ । विद्यालयको आयोजनामा सञ्चालित तालिममा विभिन्न तहमा अध्ययनरत ३० जना विद्यार्थी सहभागी भएका थिए ।
उदघोषण कला र सार्वजनिक भाषणका विषय वस्तुमा स्वतन्त्र पत्रकार संघ नेपालका राष्ट्रिय महासचिव एवम् अन्तरङ्ग राष्ट्रिय साप्ताहिकका सम्पादक नवराज पहाडीले सहजिकरण गरेका थिए ।
यसैगरी, नेपाल पत्रकार महासंघ लमजुङ शाखाका सह–सचिव श्यामशितल परियारले समाचारको महत्व, प्रकार, प्रभाव तथा लेखनका आधारभूत विषयमा सहभागीलाई जानकारी गराएका हुन् ।
पत्रकार श्यामशितल २०६८ सालदेखी निरन्तर पत्रकारितामा क्रियाशिल छन । उनि न्युज २४ टेलिभिजन, उज्यालो रेडियो नेटवर्क, उज्यालो अनलाईन, रेडियो भोटओडार, बिग एफएम पोखरा र गण्डक न्युज डट कमसंग आवद्ध छन ।
विद्यालयलाई नमूना मावि बनाउने उद्देश्यका साथ विद्यालयको व्यवस्थापन समितिको अध्यक्ष पदको जिम्मेवारी सम्हाल्नु भएका शैक्षिक एवम् सामाजिक व्यक्तित्व विष्णुकुमार श्रेष्ठको पहलमा विद्यालयमा तालिम सञ्चालन गरिएको हो । विद्यार्थीलाई अनुशासित, जिम्मेवार, कर्तव्यनिष्ट र बहुप्रतिभाका धनी बनाउन लागि तालिमको आयोजना गरिएको विष्णुकुमार श्रेष्ठले बताए ।
तालिममा सिकेको कुरा व्यवहारमा लागु गर्ने विद्यार्थीहरुले बताएका छन् । ‘तालिममा हामीले प्रशिक्षकहरुबाट बोल्ने, लेख्न सीप सिक्न पायौँ । हामी खुशी छौँ । तालिमले हाम्रो व्यक्तित्व विकासमा टेवा पुग्ने विश्वास लिएका छौँ,’ तालिममा सहभागी विद्यार्थी कृतिका मिश्र र रेजिना खनियाँले भनिन ।
तालिममा सिकेका सीपले विद्यार्थीमा लेख्ने, बोल्ने सीपको क्षमता अभिवृद्धिमा टेवा पुर्याएको विद्यालयका प्रिन्सीपल ज्ञानेन्द्र शर्माले बताए । जनशक्ति युवा क्लवका अध्यक्ष एवम् विद्यालयका सदस्य नवीनकुमार श्रेष्ठले विद्यार्थीको व्यक्तितव तथा नेतृत्व विकासमा टेवा पुर्याउने यस्ता कार्यक्रमहरु भावी दिनमा पनि सञ्चालन गरिनुपर्नेमा जोड दिए ।
सम्बन्धित खबर
श्रीमानको कुटाइबाट घाइते उजेलीको पोखरामा मृत्यु
पहिरोले बेँसीसहर–चामे सडक अवरुद्ध
[अपडेट] त्रिशूलीमा ट्याक्सी खस्दा मृत्यु भएका ५ जनाको परिचय खुल्यो,
लमजुङमा बालिकालाई जबर्जस्ती करणी गर्न खोज्ने पक्राउ
पसगाउँ हेर्नुहोस् १२ तस्वीरमा
लमजुङमा पसगाउँ महोत्सव सुरु
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग