नेगम परियार, मनाङ । हिमाली जिल्ला मनाङमा जाडो बढ्दै जाँदा किसानहरु सेन सोर्नमा ब्यस्त छन् । सल्लाको पातको सोतरलाई नै मनाङको स्थानीय भाषामा सेन भनिने गरिन्छ ।
अबको करिब चार महिना अति जाडो हुने र हिउँ पर्ने हुनाले लेक तथा खर्कहरुबाट याक, चौरी, भेडा, च्याङग्रा, बाख्रा लगायत गाईबस्तुहरु मनाङ जिल्लाको तल्लो भागहरुमा झारिन्छ ।
सोहि गाईबस्तुहरुको जाडोमा न्यानो बनाउन सेन (सोतर) सोर्ने चलन छ । कुखुरा लगाएतका पशुपन्छीहरुलाई चिसोको समयमा न्यानो बनाउनुको साथै मल पनि हुने भएकोले यो समयमा मनाङका किसानहरु सेन सोर्नमा ब्यास्त देखिन्छन् ।
अबको करिब चार महिना हिमपात हुने भएकोले चार महिनालाई पुग्ने गरि यो समयमा मनाङमा सेन सोर्ने परम्परा छ ।
हिमपातको समयमा गाई बस्तु तथा पशुपन्छीलाई न्यानो पार्न सेनको प्रयोग गरिने स्थानीय बासी सन्तोष लामाले बताए ।
मल पनि हुने र गाईबस्तुको गोठमा सेन ओछ्याउदा न्यानो पनि हुने भएकोले यो समय जंगल गई सेन सोरेर घरमा सुरक्षित ठाउँमा जम्मा पार्ने चलन रहेको स्थानीय बासी धनमायाँ बि.क.ले बताईन । अन्य सोतर भन्दा सल्लाको पातको सोतरले न्यानो पार्ने उनको भनाई छ ।
सल्ला पातको (सेन) सोतर कुखुराको खोरमा ,बङगुरको खोरमा र गाई बस्तुको गोठमा सोतरको रुपमा बिछाईन्छ । सेन सोर्नका लागी स्कुल बिदाको समयमा आफ्ना अभिभावकलाई सघाउन बालबालिका समेत जाने गरेको धनमायाँ बि.क.की छोरी आशा बि.क.ले बताईन् ।
सम्बन्धित खबर
मनाङको ढुकुरपोखरीमा हिमपहिरो
एसियाकै ठूलो भनिएको स्याउ फार्म एग्रो मनाङ अवैधः दीपक मनाङे [भिडिओ]
मनाङमा ६ महिनामा ९ हजार पर्यटक
मनाङमा भीरबाट खसेर अमेरिकी पर्यटकको मृत्यु
मनाङमा यार्तुङ मेला सुरु
हिमाली जिल्लाका याक र चौँरीमा देखियो लम्पी स्किन
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग