तनहुँ । अख्तियार अनुसन्धान आयोगकी आयुक्त डाक्टर सावित्री थापा गुरुङले बजेट र अधिकार बढेसँगै स्थानीय तहमा आर्थिक अनियमितताको घटना पनि बढेको बताइन् । आयोगको क्षेत्रीय कार्यालय पोखराले मंगलबार दमौलीमा गरेको भ्रष्टाचार नियन्त्रण तथा सुशासन प्रवद्र्धन सम्बन्धी अन्तरक्रिया कार्यक्रममा बोल्दै भ्रष्टाचार नियन्त्रण र सुशासन अधिवृद्धिका लागि स्थानीय तहका पदाधिकारी र कर्मचारीको आचरणमा सुधार हुनु जरुरी रहेको आयुक्त थापाले बताइन ।
‘अहिले आयोगको ५० प्रतिशत अधिकार कटौती भएको छ’ आयुक्त थापाले भनिन्, अनुचित कार्य, गैरसरकारी र सेना विरुद्ध आयोगको दायारामा अहिले छैन ।’ हामिले हेर्ने भनेको अहिले सार्वजनिक क्षेत्र र स्थानिय तहमा मात्रै हो थापाले भनिन । स्थानिय तहका जनप्रतिनिधि विरुद्ध पनि थुप्रै उजुरी आएको थापाले बताइन ।
उजुरी परेका मुद्धामा प्रमाण फेला पारेपछि मात्रै आयोगले आफ्नो कार्य अगाडि बढाउने थापाले बताइन । सबै जनाले आफ्नो दायित्व पुरा गरे भ्रष्टाचार न्यूनीकरण हुने आयुक्त थापालले बताइन । स्थानिय तह देखि नै सुशासन कायम राख्न जरुरि रहेको थापाले बताइन । देशमा सुशासन कायम भएमा अख्तियार जस्ता निकायको आवश्यकतानै नपर्ने भन्दै उनले तीनै तहका सरकारले त्यसतर्फ कदम चाल्ने विश्वास ब्यक्त गरिन् ।
आयोगको पोखरा क्षेत्रीय कार्यालयका प्रमुख सहसचिव काशिराज दाहालले स्थानीय तहसँग जोडिएका उजुरी पर्ने क्रम बढेको बताए । स्थानीय तह अन्तर्गत उपभोक्ता समिति र विद्यालय ब्यवस्थापन समिति गठनमा विवाद, विभिन्न योजनाको, अधुरो योजना समयमै सम्पन्न नगरेको, सार्वजनिक खरीद ऐन मिचेर ठेक्कापट्टाको काम गरेको लगायतका विषयमा उजुरी परेको उनको भनाई छ ।
तनहुँबाट नदिजन्य बस्तु अवैध उत्खननका विषयहरु विरुद्ध बढी उजुरी पर्ने उनले बताए । पत्रकारहरुले समेत अख्तियार लाई विभिन्न सूचना दिएर संगै भ्रष्टाचार विरुद्धको अभियानमा सहयोग गर्न उनले अनुरोध समेत गरे।
गत आर्थिक वर्ष तनहुँबाट ६९ वटा उजुरी दर्ता भएको कार्यक्रम जानकारी दिइएको थियो । त्यसमध्ये ४२ वटा उजुरी फस्र्यौट भएको र २७ वटाको अनुसन्धान भईरहेको क्षेत्रीय कार्यालयका उपसचिव मेघनाथ रिजालले जानकारी दिए । ७ वटा मुद्धा भने विस्तृत अध्ययन भईरहेको उनले बताए ।
कार्यक्रममा प्रमुख जिल्ला अधिकारि रुद्रप्रसाद पण्डितले नदिजन्य पदार्थ न्युनिकरणमा सबै एकजुट भएर लाग्नुपर्ने बताए । कार्यक्रममा बोल्दै जिल्ला समन्वय समिति तनहुँका प्रमुख शान्तिरमण वाग्लेले भ्रष्टाचार मुक्त समाज बनाउन नसके जनता निराश हुने उनले बताए । सबै क्षेत्रबाट भ्रष्टाचार न्यूनीकरण तथा मुक्त गर्ने अभियानमा लाग्नुपर्ने बताए ।
कार्यक्रममा जिल्लाका विभिन्न स्थानीय तहका प्रमुख/उपप्रमुख, नागरिक समाज, विद्यालय तथा क्याम्पसका प्रमुख लगाएतको उपस्थिति रहेको थियो ।
सम्बन्धित खबर
मुग्लिन–पोखरा सडक विस्तार: म्याद सकियो तर काम सकिएन
तनहुँमा बुवाको हत्या आरोपमा छोरा पक्राउ
पोखरा आउँदै गरेको कार तनहुँमा दुर्घटना, चार जना घाइते
तनहुँमा धारिलो हतियार प्रहार गरी श्रीमतीको हत्या
भिमादमा आयोजित मगर भाषा–लिपि तथा संस्कारसम्बन्धी पाँच दिने प्रशिक्षणको समापन
तनहुँमा रोकिराखेको बसमा कार ठोक्कियो, पोखराका ३ युवा घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग