गण्डक न्युज, पोखरा १२ वैशाख । सेती खोँचबाट एक महिलाको शव निकालिएको छ । तनहुँको शुक्लागण्डकी ४ र ८ को सिमानामा पर्ने सेती खोँचबाट सशस्त्र प्रहरीले तीन घण्टाको प्रयासमा शव निकालेको हो ।
रक गार्डेन नजिकै बुधवार बिहान स्थानीयले शव देखेपछि प्रहरीलाई खबर गरेको इलाका प्रहरी कार्यालय बेलचौताराका प्रमुख प्रहरी निरिक्षक राजेन्द्र अधिकारीले जानकारी दिए । पानीमा तैरिरहेको शव निकाल्न प्रहरीलाई ३ घण्टा लागेको हो । क्षेत्रीय विपद व्यवस्थापन कार्यदल कालिका गण पोखराबाट सशस्त्र प्रहरी निरिक्षक विपिन देसारको नेतृत्वको ९ सदस्यीय टोलीले शव निकालेको हो । सेती किनारमा अग्लो भिर भएकाले ‘¥याप्लीङ एण्ड क्लाइबीङ’ को सामाग्री प्रयोग गरी शव झिकिएको उनले बताए ।
शव पोखरातिरबाट बगेर तनहुँ पुगेको अनुमान गरिएको छ । ‘एक हप्ता अघि पोखराबाट एक महिला हराएकी थिइन, सोहि महिलाको शव हुन सक्छ ।’ डाडाँको नाक प्रहरी चौकीका प्रमुख डिएसपी गोविन्द पुरीले भने । उनले बिहिवार पोष्टमार्टम पछि थाहा हुने बताए ।
वडा प्रहरी कार्यालय रामबजारमा एक हप्ता अघि ४८ वर्षिया बालकुमारी गिरी हराएको भनि निवेदन परेको डिएसपी पुरिले पुष्टि गरे । शव फेला परेको थाहा पाएपछि गिरीका आफन्त सम्पर्कमा आएको उनले बताए । आफन्तले एकिन गरेपछि शव बुझाईने प्रहरीले जनाएको छ । यसरी निकालिएको थियो शवलाई …
सम्बन्धित खबर
मुग्लिन–पोखरा सडक विस्तार: म्याद सकियो तर काम सकिएन
तनहुँमा बुवाको हत्या आरोपमा छोरा पक्राउ
पोखरा आउँदै गरेको कार तनहुँमा दुर्घटना, चार जना घाइते
तनहुँमा धारिलो हतियार प्रहार गरी श्रीमतीको हत्या
भिमादमा आयोजित मगर भाषा–लिपि तथा संस्कारसम्बन्धी पाँच दिने प्रशिक्षणको समापन
तनहुँमा रोकिराखेको बसमा कार ठोक्कियो, पोखराका ३ युवा घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग