मनाङ । हिमाली जिल्ला मनाङको नार्पा भूमि गाउँपालिकाले आईतबार देखि मोबाइल एप सेवा सुरु गरेको छ । मोबाइलबाटै सेवा प्रवाह गर्ने उद्देश्य सहित एप्स सेवा सुरु भएको सूचना प्रविधि अधिकृत उज्वल बास्तोलाले जानकारी दिए ।
स्थानीय तहको समृद्धि र बिकास तथा जनतामा शुसाशन कायम गर्नका साथै जनतालाई सहज रुपमा घरमै बसेर सेवा प्राप्त लिन सक्ने उद्देश्यले एप्स प्रविधि भित्र्याइएको हो । गाउँपालिकाका सूचना प्रविधि अधिकृत उज्वल बास्तोलाका अनुसार सूचना प्रविधि बिभागको प्राविधिक सहयोगमा मोवाईल एप्स सुरु गरिएको हो । उनले गाउँपालिकाद्धारा सुरु गरिएको एप्सको प्रयोगबाट जनतालाई सुशासन, सरल र सहज तरिकाले सेवा प्रवाह गर्न सकिने जनाए ।
एप्सका सहयोगमा आवश्यक कागजपत्र र प्रक्रियाका बारेमा जानकारी,योजना तथा कार्यक्रम थाहा पाउँने, सूचना, समाचार, आपत्कालिन नम्बर, जनप्रतिनिधि तथा कर्मचारीको फोटोसहितको सम्पर्क बिवरण,वडाहरुको प्रोफाईल, महत्वपूर्ण स्थानको परिचय , गुनासो तथा समस्या दर्ता गर्न सकिने उनले बताए ।
संघीय मामिला तथा सामान्य प्रशासन मन्त्रालयको स्थानीय शासन तथा सामूदायिक बिकास कार्यक्रम अन्तर्गत करिव ८ महिना अघि देखि सूचना प्रविधि अधिकृत नियूक्ति भएपछि उक्त गाउँपालिकामा वेभसाईट संञ्चालन, कम्प्युटर सम्बन्धी प्राविधिक समस्याको निराकरण लगायत अन्य सूचना प्रविधिका पूर्वाधार बिकास भएको छ । यसबाट जनप्रतिनिधि, कर्मचारीलाई कार्यसम्पादन गर्न सजिलो भएको छ भने जनतालाई समयको बचत तथा सेवा प्राप्त गर्न समेत सहज भएको छ ।
सम्बन्धित खबर
मनाङको ढुकुरपोखरीमा हिमपहिरो
एसियाकै ठूलो भनिएको स्याउ फार्म एग्रो मनाङ अवैधः दीपक मनाङे [भिडिओ]
मनाङमा ६ महिनामा ९ हजार पर्यटक
मनाङमा भीरबाट खसेर अमेरिकी पर्यटकको मृत्यु
मनाङमा यार्तुङ मेला सुरु
हिमाली जिल्लाका याक र चौँरीमा देखियो लम्पी स्किन
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग