तनहुँ । रोट्रयाक्ट क्लब अफ दमौलीको आयोजनामा शनिबार १६औं जिल्ला तथा ५औं राष्ट्रव्यापि सचिन स्मृति रक्तदान कार्यक्रम सम्पन्न भएको छ ।
शनिबार दमौलीमा भएको उक्त कार्यक्रममा ३० पाउण्ड रगत संकलन भएको रोट्रयाक्ट क्लब अफ दमौलीका अध्यक्ष विपिन श्रेष्ठले जानकारी दिए ।
जिल्लामा रगतको अभाव परिपुर्ति गर्न रोट्रयाक्ट क्लब अफ दमौलीले हरेक वर्ष रक्तदान कार्यक्रम गर्दै आइरहेको क्लब अध्यक्ष श्रेष्ठले बताए ।
रोट्रयाक्ट क्लब अफ दमौलीका अध्यक्ष विपिन श्रेष्ठको अध्यक्षता सम्पन्न उक्त कार्यक्रमको प्रमुख अतिथि व्यास नगरपालिकाका प्रमुख वैकुण्ठ न्यौपाने रहेका थिए ।
सो अवसरमा प्रमुख न्यौपानेले स्व. सचिन कुमार श्रेष्ठले तत्कालीन समयमा रगतको अभावले ज्यान गुमाएको बताए । त्यसैले रक्तदान नै जिवनदान भएको प्रमुख न्यौपानेले बताए ।
कार्यक्रमको उद्घाटन प्रमुख अतिथि वैकुण्ठ न्यौपानेले पहिलो रक्तदाता तनहुँ उद्योग वाणिज्य संघ दमौली बजार इकाईका सभापति राजकुमार श्रेष्ठ `राकु´लाई ब्लड ब्याग दिएर गरेका थिए ।
हरेक वर्ष क्लबका तत्कालीन सह-सचिव स्व. सचिन कुमार श्रेष्ठको स्मृतिमा रक्तदान कार्यक्रम गर्दै गईरहेको क्लबले जनाएको छ ।
कार्यक्रममा स्वास्थ्य कार्यालय तनहुँ र रेडक्रस तनहुँको प्राविधिक सहयोग रहेको थियोे ।
सम्बन्धित खबर
मुग्लिन–पोखरा सडक विस्तार: म्याद सकियो तर काम सकिएन
तनहुँमा बुवाको हत्या आरोपमा छोरा पक्राउ
पोखरा आउँदै गरेको कार तनहुँमा दुर्घटना, चार जना घाइते
तनहुँमा धारिलो हतियार प्रहार गरी श्रीमतीको हत्या
भिमादमा आयोजित मगर भाषा–लिपि तथा संस्कारसम्बन्धी पाँच दिने प्रशिक्षणको समापन
तनहुँमा रोकिराखेको बसमा कार ठोक्कियो, पोखराका ३ युवा घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग