Gandak News
Our News Your Views
Promote your business here Gandaknews

पत्रकार अधिकारीमाथि भएको हातपात र घिमिरेमाथि दुर्व्यवहारको महासंघद्वारा भर्त्सना

पोखरा । नेपाल पत्रकार महासंघ कास्की सदस्य एवं नेपाल खेलकुद पत्रकार मञ्च गण्डकी उपाध्यक्ष रञ्जन अधिकारीमाथि समाचार संकलनका क्रममा भएको हातपातको घटनाप्रति चौतर्फी विरोध भएको छ ।

विभिन्न सञ्चारसम्बद्ध संघसंस्थाले सो घटनाको निन्दा गर्दै दोषीलाई कडा कारबाहीसहित सुरक्षित रुपमा काम गर्ने वातावरण बनाउन राज्यसँग माग गरेका छन् । पत्रकार महासंघका महासचिव रोसन पुरी, गण्डकीका महासचिव गोविन्द सुवेदी, कास्कीका सचिव माधव बराल, प्रेस युनियन कास्कीका अध्यक्ष नविन सिग्देल र सचिव प्रदीप पौडेल, खेलकुद पत्रकार मञ्च गण्डकीका महासचिव विजय नेपाल, अनलाइन पत्रकार संघ गण्डकीका अध्यक्ष कमल सुवेदीले छुट्टाछुट्टै विज्ञप्ति प्रकाशित गरी घटनाको निन्दा गरेका छन् ।

सहकर्मी पत्रकारलाई संरक्षण गर्दै समाचार संकलनका क्रममा पत्रकार अधिकारीमाथि हातपात भएको थियो । जागिर लगाइदिन्छु भन्दै सर्वसाधारणबाट लाखौं रुपैयाँ ठगेको अभियोगमा कास्की प्रहरीले स्याङ्जाका कृष्णप्रसाद पौडेललाई पक्राउ गरेको थियो ।

सो सम्बन्धमा पीडितको आवाजसहित सत्यतथ्य समाचार संकलनका लागि आइतबार गैह्रापाटनस्थित जिल्ला प्रहरी कार्यालय कास्की परिसर पुगेका पत्रकार अधिकारीमाथि ठगी काण्डका पीडितबाटै फोटो/भिडियो खिचेको निहुँमा हातपात भएको थियो । पत्रकार अधिकारीमाथि एक्कासि हातपात गरी उनले खिचेको फोटो/भिडियो मेटाउनसमेत लगाई अनुनयविनय पश्चात छाडिदिएका थिए । ठगी गर्ने अफिसको प्रचार गरेको भन्दै मिडिया र पत्रकारसँग पीडितहरुले आक्रोश पोखिरहेका थिए । यस कार्यमा पत्रकार अधिकारी भने संलग्न थिएनन् । तर, उनी निशानामा परे ।

अधिकारीलाई हातपात गर्नु अघि पत्रकार प्रल्हादचन्द्र घिमिरे (फेवा टेलिभिजन) माथि दुर्व्यवहार भएको थियो । त्यस समय रिपोर्टिङमा पत्रकार ढाकामोहन (गणेश) बराल  (पोखरा न्यूज) पनि खटिएका थिए । दुर्व्यवहारमा परेका घिमिरे भीडबाट सुरक्षित भएपछि बराल र घिमिरे सँगै बाहिरिए भने अधिकारी त्यहाँको माहौलको दृश्य कैद गर्दै थिए । सोहि क्रममा एक्कासी ‘पत्रकारलाई कुट्’ भन्दै अधिकारीमाथि जाइलागेका हुन् । अधिकारीलाई हातपात गरेपछि त्यहाँ रहेका अन्य सञ्चारकर्मीहरु क्यामेरा लुकाएर बाहिरिएका थिए ।

पत्रकारमाथि हातपातमा उत्रने काठमाण्डौ कलंकी घर भई पोखरा ७ मासबार बस्ने युवराज लामा र पोखरा २७ तालचोकका नवराज शर्मा लगायत ४ जनालाई प्रहरीले तत्काल नियन्त्रणमा लिएको थियो । उनीहरुलाई पछि छाडेका थिए ।

पत्रकार महासंघ जिल्ला, प्रदेश र केन्द्रद्वारा घटनाको भर्त्सना

समाचार संकलनका क्रममा नेपाल पत्रकार महासंघ कास्की शाखाका सदस्यद्वय रञ्जन अधिकारीमाथि भएको हातपात र प्रल्हादचन्द्र घिमिरेमाथि भएको दुर्व्यवहारको घटनाप्रति नेपाल पत्रकार महासंघको गम्भीर ध्यानाकर्षण भएको छ ।

महासंघका महासचिव रोशन पुरीले विज्ञप्ति जारी गर्दै भाद्र २७ गते आइतबार ठगी आरोपमा पक्राउ परेका व्यक्तिको विषयमा समाचार संकलनका लागि जिल्ला प्रहरी कार्यालय कास्की पुगेका पत्रकार अधिकारीले फोटो खिचेको निहुँमा ठगी काण्डका पीडित भनिएका युवराज लामा र नवराज शर्मालगायतले आक्रोस पोख्दै पत्रकारमाथि हातपात र दुर्व्यवहार गरेको जनाएका छन् ।

विज्ञप्तिमा भनिएको छ – ‘नागरिकलाई सुसूचित गराउने धर्म निर्वाह गरिरहेका पत्रकारमाथि हातपात र दुर्व्यवहार हुनु प्रेस स्वतन्त्रताविरोधी काम हो । महासंघ यो घटनाको कडा शब्दमा भर्त्सना गर्दै दोषीलाई कानुनी दायरामा ल्याउन र पत्रकारलाई सुरक्षित रूपमा पत्रकारिता गर्ने वातावरण बनाउन स्थानीय प्रशासनसँग माग गर्दछ ।’

पत्रकारमाथि भएको भौतिक आक्रमण घटनाको पत्रकार महासंघ गण्डकीद्वारा भर्त्सना

पत्रकारमाथि भएको भौतिक आक्रमण घटनाको पत्रकार महासंघ गण्डकीद्वारा भर्त्सना

प्रहरी कार्यालयको गेटमै पत्रकार कुट्नेलाई तारेखमा छाड्दा प्रश्न उब्जियोः महासंघ कास्की

प्रहरी कार्यालयको गेटमै पत्रकार कुट्नेलाई तारेखमा छाड्दा प्रश्न उब्जियोः महासंघ कास्की

सम्बन्धित समाचारः

उपाध्यक्ष अधिकारीमाथि भएको हातपात र दुर्व्यवहारको घटनाको मञ्चद्वारा निन्दा

उपाध्यक्ष अधिकारीमाथि भएको हातपात र दुर्व्यवहारको घटनाको मञ्चद्वारा निन्दा

पत्रकारलाई हातपात र दुर्व्यवहार भएकोमा अनलाइन पत्रकार संघ, गण्डकीको ध्यानाकर्षण

पत्रकारलाई हातपात र दुर्व्यवहार भएकोमा अनलाइन पत्रकार संघ, गण्डकीको ध्यानाकर्षण

पत्रकारमाथिको आक्रमणको प्रेस युनियन, कास्कीको निन्दा

पत्रकारमाथिको आक्रमणको प्रेस युनियन, कास्कीको निन्दा

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस